Bigg Boss Highlights: சுசித்ராவை ஒதுக்கிய பாலாஜி

தீபாவளி கொண்டாட்டத்தோடு சேர்ந்து சண்டை சச்சரவும் பிக் பாஸ் வீட்டில் நடந்துகொண்டு தான் இருக்கிறது.

பாலாஜி மீது கோபப்பட்ட சுசித்ரா

பிக் பாஸ் வீட்டுக்கு வைல்டு கார்டு என்டிரியாக வந்த சுசித்ரா பாலாஜி முருகதாஸிடம் மட்டும் மிகவும் நெருக்கமாக பேசி வருகிறார். ஆனால் பாலாஜியோ இவர் அடிக்கடி நோஸ்கட் செய்யும் விதத்தில் கோபத்துடன் பேசுவதாக கூறி அனிதாவிடம் புகார் கொடுத்தார். என்னுடன் பேசும்போது ஷிவானி ஒரு சைகை செய்தாலே என்னிடம் பேசுவதை நிறுத்திவிட்டு சென்றுவிடுகிறார் என்றும் சுசித்ரா கூறி இருந்தார்.

அனிதா இது பற்றி பாலாஜியிடம் பேசினார். அதற்கு பதில் கூறிய பாலாஜி “நான் ஷிவானியுடன் பழகுவது எனக்கு தவறாக தெரியவில்லை. வெளியுலகத்திற்கு எப்படி தெரிந்தாலும் கவலை இல்லை” என தெரிவித்தார்.

சுசித்ரா பேசுவது வாழைப்பழத்தில் ஊசி ஏற்றுவது போல தான் என பாலாஜி விமர்சித்தார்.

ஆஜித் கேப்டன்

அடுத்த வாரத்திற்கான கேப்டனை தேர்ந்தெடுக்கும் போட்டி இன்று நடந்தது. அதில் ஆஜித், ரம்யா மற்றும் நிஷா ஆகியோர் கலந்துகொண்டனர். பலூன் உடைக்கும் டாஸ்கில் வெற்றி பெற்று ஆஜித் இந்த வார தலைவராக தேர்ந்தெடுக்கப்பட்டார்.

சனம் பிறந்தநாள் கொண்டாட்டம்

சனம் ஷெட்டிக்கு இன்று பிறந்தநாள் என்பதால் அவருக்கு குடும்ப நண்பர்கள் மற்றும் உறவினர்கள் வாழ்த்து கூறினார்கள்.

பெரிய ஆப்பு வைப்பீங்க – பாலாஜியிடம் பேசிய சனம்

தலைவரை தேர்ந்தெடுக்கும் டாஸ்க்கிற்காக பாலாஜி சனம் ஷெட்டியை நாமினேட் செய்தார். அதன் பின் அது பற்றி பேசிய சனம் ‘இப்போ நாமினேட் செய்வீங்க. பின்னர் பெரிய ஆப்பு வைப்பீங்க’ என கூறினார் சனம்.

எலுமிச்சை பழத்தால் வெடித்த சண்டை

சம்யுக்தா ஆரியிடம் ஒரு புகாரை கூறினார். “நான் லெமன் கேட்டபோது எனக்கு தராமல் ரமேஷுக்கு லெமன் தந்தார் நிஷா. எல்லோரிடமும் ஒரே மாதிரி இருக்க வேண்டும்” என அவர் கூறினார்.

அதன் பின் அனிதா ஆரியிடம் ‘நீங்கள் இங்கே தான் நின்று கொண்டு இருக்கிறீர்கள்.. கண்டுகொள்ளவே இல்லை” என கூறினார். அதனால் ஆரி கோபமாகி அனிதாவிடம் சண்டை போட்டார். நீங்கள் என்னிடம் எதையும் புகாராக சொல்லாத நிலையில் நான் ஏன் அது பற்றி பேச வேண்டும் என கூறி அவரை திட்டினார்.

ஆரி இப்படி கத்தியது பற்றி அனிதா மிகவும் எமோஷ்னலாக சனம் ஷெட்டியுடன் பேசினார். அவர் நண்பர் என்ற அடிப்படையில் தான் பேசினேன். அனைத்திற்குமே எல்லோரும் கோபப்பட்டால் நான் யாரிடம் தான் பேசுவது என கூறி சண்டை போட்டார்.